Albisteak

Araba Encounter erreferentziazko teknologia-bilkura gisa finkatu da, helburu guztiak bete baititu bosgarren edizio “ikusgarrian”

2018-12-09T14:14:59+00:00

Nota bikainarekin amaitu da Araba Encounter 5 informatika-topaketa. Hirurogeita hamabi orduz luzatu den eta 30 ekintza inguru eskaini dituen partyak helburu guztiak bete ditu. Egitasmoaren antolatzaileak pozik agertu dira ekimenaren garapenarekin, formakuntza nahiz aisialdi ekintzetan izandako parte-hartzearekin eta publikoari irekitako eremuak, Openguneak, hartu duen bisitari kopuruarekin.

Posta elektronikoaren arriskuen aurrean nola babestu

2018-12-08T14:32:57+00:00

Enpresek eta partikularrek egunero bidaltzen dituzten milioika emailen testuinguruan, gero eta gehiago garatzen ari dira Business Email Compromise bezalako iruzurrak. Ordainketekin eta fakturekin loturiko elkarrizketak antzeman eta ziberdelitugileen kontrolpean dauden kontu korronteak emailean sartzean datza maula. Sistema hori gero eta sofistikatuagoa da, eta, ordainketa egin eta gero, ia ezinezkoa da soluziorik topatzea; beraz, arriskuak ekiditeko ahalik eta neurri gehien hartzea gomendatzen dute adituek.

Araba Encounterren bildutako ehunka lagunek teknologiarekin lotutako formakuntzaz eta aisialdiaz gozatuko dute 72 orduz jarraian

2018-12-07T14:42:31+00:00

Teknologiaz, dibertimenduz eta formakuntza-ekintzez beteriko 72 ordu eskainiko ditu Araba Encounter 5 bilkurak. Ekimenaren bosgarren edizioa gaur eguerdian hasi da, eta lehen ordutik agerikoa zen giro ezin hobea Gasteizko Europa kongresu-jauregian protagonista izango da igandera arte. Ekintzen egitarau oparoak prestakuntza-saioak hartuko ditu, baita errealitate birtualarekin, robotikarekin, 3D inprimaketarekin eta jokoekin loturiko jarduerak ere.

Araba Encounter topaketako 320 eserlekuak 5,5 segundotan erreserbatu dituzte parte-hartzaileek

2018-12-05T12:26:11+00:00

Abenduaren 7tik 9ra Gasteizen burutuko den Araba Encounter 05 topaketaren eserlekuak ziztu bizian erreserbatu dituzte parte-hartzaileek. Eskainitako 320 ordenagailu-postuak 5,5 segundotan bete dira, teknologia berrien eta informatikaren zaleek urtero espero duten hitzordua baita. Hala ere, bilkura gertutik ezagutu ahalko dute Gasteizko Europa kongresu-jauregira bertaratzen direnek, prestakuntza eta aisialdi jarduera ugari eskainiko baitira Opengune izeneko doako eremuan. Publikoari irekia egongo den gune horretan hitzaldiak eta tailerrak burutuko dira, besteak beste.

Araba Encounter topaketa ostiralean hasiko da dozenaka formakuntza-jarduerarekin eta 3D inprimaketako, droneen hegaldietarako eta errealitate birtualeko zonekin

2001-12-02T23:00:00+00:00

Gasteizen ostiraletik igandera burutuko den Araba Encounter 05 topaketak apustu berezia egin du aurten prestakuntza jardueren alde. Doako sarrera izango duten dozenaka hitzaldi eta tailer antolatu dituzte teknologia berriak jendartean hedatzeko helburuarekin. Gainera. 3D inprimaketako, droneen hegaldietarako eta errealitate birtualeko guneak izango dira Gasteizko Europa Biltzar Jauregian.