Beste eduki batzuk

Errealitate mistoa: Wuautech

Joko eta esperientzia hiperrealistak, eta instalazio handiak, zeinetan nahasten diren errealitatea, errealitate birtuala, fisikoa eta digitala. Gure helburua da erabiltzaileak hunkitzea eta zirrara eragitea.

Baldin eta plataforma-joko bat egiten badugu, erabiltzaileak plataforma errealak igo eta jaitsiko ditu, txanponak hartuko ditu gorputzarekin, eta benetan egingo du salto. Baldin eta ibilbide bat osatu behar bada, oholak zeharkatu eta bideari jarraituko dio, benetako zirkuitu bat izango balitz bezala.

Hiperrealitatea da hori, eta inoiz ere ez duzu parekorik sentitu.

Metabis - Itsasoa, zerua eta zu. Hipererrealitate minimalistako esperientzia bat, zure ausardia proban jarriko duena.
MetaGlide - Delta hegaleko hegaldi bat irudikatzen duen simulagailu bat. Zeuk gidatu zeure planeatzailea, eta zuk aukeratu: ikusi eguzkia sartzen edo ibili mapako zirkuituetan.
Dirt Rally VR – Errealitate areagotuko gidatze-simulagailu bat. Zatoz autoan gure kopilotuarekin, eta saiatu ahalik eta denborarik onena egiten.

Web: www.wuautech.com

Gora itzuli ^

VR Experience Eremua

Duela urte eskas batzuk, errealitate birtuala (VR) guztiz ezezaguna zen gehienontzat; pixkanaka, baina, gero eta gehiago ari da zabaltzen gizartean.

Bideo-jokoen plataformetan, heziketa-plataformetan, nahiz tratamendu mediko esperimentaletan ageri da.

VRko zenbait kit izango ditugu hardwarearen eremuan, eta aho zabalik geldituko zara zuk zeuk esperimentatzen dituzunean. Nahi duen ororentzat izango da zabalik VR eremua. Zatoz, eta gozatu etorkizuneko entretenimenduaz. Sentsazio benetan bereziak biziko dituzu: zonbien apokalipsi batetik bizirik atera den bat, jedi bat musikaren erritmoan mugituz ezpata, edo kale-artista bat hiriko kaleetako hormak spray batez margotzen.

Esperientzia horiek guztiak eta askoz gehiago izango dituzu zain VR eremuan.

Gora itzuli ^

Lasterketa-Dronen Simulagailua

Hardwarearen eremuan, hainbat dron-simulagailu jarriko ditugu zuen eskura, haiek hegan jartzen eta igorgailuak hobeto erabiltzen ikas dezazuen.

Horretarako, hainbat simulagailu izango ditugu: oinarrizko mailakoa eta maila aurreratukoa

Inoiz dronik erabili ez baduzu eta ikasi nahi baduzu, egunero duzu aukera, 10:30ean, Hardwarearen gunean (OpenGune). Lasterketa-dronak nola erabili behar diren azalduko dizugu, simulagailuan zure lehen urratsak egin ditzazun.

Gora itzuli ^

3D Inprimagailu-Granja

Hemen gelditzeko etorri da 3Dko inprimatzea. Erabateko iraultza etxerako nahiz arlo profesionalerako; etxe asko aldatu ditu, eta jarraituko du aldatzen gero ere.

Gora itzuli ^

Modpc Store

Saltoki ofiziala. Beti bezala, ekitaldian parte hartuko duten marka eta enpresen eskaintzarik onenak aurkituko dituzue han.

Zure PCa konfiguratzeko eta berritzeko kontsultak, teknikari onenen eskutik. Ekarri zure ekipoa, hedapen onena egiteko baloratu dezaten, askoz urte gehiagoz iraun dezan; edo lortu potentzia estra; edo galdetu zer arazo tekniko sor dakizkizukeen ekitaldian. Atera ahalik eta etekinik handiena zure PCari.

Hardwarea, monitoreak, kableak, konponketak, modding-a, gaming-a eta askoz gehiago. Hardwarearen zale sutsuak.

Kontsultatu Storen eskuragai izango dituzun produktu guztien zerrenda: https://www.modpc.com/eventos

Gora itzuli ^